Watch and track your favorite playlist.
Curated by: 試當真Trial & Error (301 videos)
細個我的志願有諗過做 服裝設計師 藝術家 而家大個我的志願係做演員 想做一個開心幸福嘅大人 你哋好多都系透過校花校草可以認識我 而家諗返起都覺得呢個決定好勇敢 嗰兩三個月長期處於高壓狀態 每日都未有時間消化當日發生嘅事情 就已經係新嘅一日 不過而家諗返起都係值得同熱血的 我會形容呢度係一個family 我有好多兄弟姊妹 呢個係爸爸 呢個係媽媽 呢個係契爺 我諗我係佢哋之中 唔係最突出嗰個 但我都希望成為爸爸媽媽口中值得驕傲嘅孩子 最開頭 我自己都未有好清楚嘅方向 而呢度有俾我試錯比我成長嘅機會 我諗好多人都最記得我水雞嘅角色 好多謝當初修打電話說服叫我做呢個角色 本身我係推咗的 果然佢眼光好 仲記得第一次拍廣告連乜嘢喺Apple box都唔知 到而家會識得自己去搵燈光搵食 原來喺街望到自己 個感覺都唔係咁尷尬 會幾暗爽 我會密密喺心裏面諗隔籬嗰個路人會唔會認到我就係螢幕嗰個人呢 其實透過表演及做戲都令我更加了解自己 好感恩有人支持同鍾意自己 仲記得嗰陣時出咗局好多人DM我鼓勵嘅說話叫我唔好放棄 仲有幫我整橫幅 送花俾我 我想大大聲同你哋講聲 多謝 ！ 呢個感覺真係好幸福 係我嘅動力 記得第一次做導演就係拍廣告片 嗰陣超緊張 覺得自己表達能力唔叻 未必可以即刻講到腦海嘅畫面 所以就要靠圖像去幫自己 每次做導演我都會畫story bord 發現前期工作真係好難 但係現場嘅時候我係覺得學到嘢同埋享受嘅 呢個係校花校草絕密片段 嗰陣時正篇冇剪到出嚟 而家當係會員福利俾大家睇 呢啲係我嘅好朋友 一齊喺未成名就認識 一齊經歷得越來越多 一齊成長 儲咗好多回憶 我諗佢哋成為咗我生命中不可或少嘅一位 同佢哋嘅感情都越嚟越深 我哋每個人都好唔同 都好奇怪 但係我哋又夾到 我哋成日開會講到最後都變咗係傾八卦聽日常 我之後最掛住嘅應該都係呢啲無聊的日常 好似冇咗一個地方俾我哋聚腳 對我嚟講試當真嘅完結就好似一個畢業 一個新嘅章節就要展開 未來我都會繼續喺幕前出現 無論去到邊個平台 我都會感恩呢個family 感恩而家睇緊片嘅你 感恩當初睇到17號趙君瑜嘅你 拜拜之後再見啦 我會掛住你㗎 試當舖（賣嘢）：https://trialanderror.shoplineapp.com/ 課金：https://payme.hsbc/trialanderror924 成為會員「認真毛」：https://www.youtube.com/channel/UCcfdsRaC34Y4IKTiihYxBrQ/join FB/IG: trialanderror924 Discord: https://discord.gg/hND33Yvwrb