سلسلة حلقات عن فقه السيرة النبوية
Curated by: أحمد بحيري (26 videos)
و مازلنا في رحلتنا مع أعز الناس.. النبي "ص".. ووقفنا المرة اللي فاتت عند لحظة ميلاد النبي"ص".. يشاء الله سبحانه و تعالى.. ان النبي"ص" يُصنع على عينه هو سبحانه.. هو اللي يربيه.. و يشكل شخصيته.. بدون تدخل من أي حد تاني.. حتى ولو كان أبوه.. أو أمه.. فيولد النبي"ص" يتيماً.. ماشافش أبوه.. و مايعرفش عنه غير ذكريات بعيدة سمعها من أمه.. فيُحرم أول ما يُحرم من استشعار حنان الأبوة.. عاطفة تفيض بها قلوب الآباء.. و مش موجودة إلا عندهم.. عاطفة.. الأطفال بيحسوا بيها جداً.. و تشوفها أوضح ماتكون في نظرات الطفل المتعلقة بأبوه.. و السعادة اللي بتترسم على ملامحه لو فاز بنظرة أو لحظة اهتمام من الأب.. يحرم من استشعار هذه العاطفة.. و حتى حضن أمه.. يحرم منه.. و يربى في حضن مرضعته في البادية.. بادية بني سعد.. في الصحراء.. في الطبيعة البكر.. و بعيداً عن مكة.. يتم جديد.. يتم البعد عن الأم.. و الوطن.. و ينشأ النبي "ص" في البادية.. بين قوم عُرفوا بفصاحة اللسان.. و في بيئة تدعوا للتأمل .. وديان تهدر فيها العواصف.. ورمال حارقة تحت الشمس.. و سماء تتلألأ فيها النجوم حول القمر.. سماء.. يزمجر في آفاقها الرعد.. و يلمع في أركانها البرق.. صحراء.. قاسية.. متقلبة.. جرداء خالية.. إلا من بعض خيام المتناثرة هنا و هناك.. يأوي اليها الناس للحماية من ظلمة الليل أو حرارة النهار.. كل ما يشغلهم هو البحث عن المرعى لغنمهم.. و فيما عدا ذلك.. فراغ لا يملأه من العمل قليل أو كثير.. فراغ لا يملأه إلا التأمل و التفكر و تقليب النظر في ملكوت الله.. الصحراء دي.. فيه ايه وراها ؟.. و ايه حدود السماء الزرقاء دي؟.. و ايه النجوم دي؟؟ و ايه القمر ؟؟ و ايه الشمس؟؟ مين اللي صنع كل ده؟..و مين اللي بيحكمه و بيديره بالدقة دي.. و بالجمال و الإبداع ده؟ و ازاي النباتات دي طلعت في الصحراء لوحدها؟.. و ليه اشكالها و ألوانها وألوانها مختلفة؟.. و ايه أنا؟.. و مين أنا؟؟.. جيت منين؟.. و رايح فين؟.. و ايه هي الحياة؟.. و ايه هو الوجود؟..و ايه هدفه و ايه غايته؟ للدعم على Patreon : https://www.patreon.com/ahmedbehiry اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك https://www.facebook.com/أحمد-بحيري-Ahmed-Behiry-109415711865636 الصفحة الرسمية علي تويتر https://twitter.com/ahmedbehiry اشترك في القناة لمتابعة الحلقات الجديدة http://goo.gl/2KheJZ المصادر: - أعلم أهل الأرض داباليو داباليو داباليو دوط قووقل دوط قوم http://www.قooقle.com