سلسلة حلقات عن فقه السيرة النبوية
Curated by: أحمد بحيري (26 videos)
شفنا سوا النبي"ص" في طفولته و صباه..و احنا النهاردة معاه في ريعان شبابه. احنا النهاردة معاه.. و مع الحب الأول.. عمره النهاردة 25 سنة.. إسمه في مكة.."الأمين".. ده الاسم اللي الناس يعرفوه بيه و بينادوه بيه.. الأمين.. ممكن تتخيل انه مجرد لقب.. و ايه يعني!.. من كتر ما اتعودنا نسمع ألقاب في زمننا ده مالهاش معنى ولا قيمة.. ضاعت في نفوسنا معاني و قيم الألقاب لما تُطلق على اللي يستحقوها بجد.. عشان نستشعر معنى و قيمة اللقب ده.. معنى و قيمة ان قريش كلها تجمع على تلقيبه بـ "الأمين".. خلوني احكيلكم تفصيلة صغيرة.. لكن معناها خطير جدا.. لما قريش قررت تعيد بناء الكعبة.. القصة اللي عدينا عليها بسرعة في الحلقة اللي فاتت.. لما قرروا ده بعد ما الكعبة كانت قربت تنهار بسبب التلف و عوامل الطبيعة.. اتفقوا انهم مش هايحطوا في بنائها إلا مال حلال.. قريش ماكانتش قبيلة فقيرة.. و لكن ياللعجب.. قريش كلها ماتلاقيش عندها مال حلال يكفي لبناء غرفة صغيرة من الحجارة بدون أي اضافات أو زخارف.. مجرد غرفة يمكن أصغر من بيت أي واحد من أهل البلد.. عشان كده بنوها على مساحة أصغر من مساحتها الحقيقية فما دخلوش فيها ”حجر اسماعيل“.. بلد غنية.. لكن مافيهاش مال حلال يكفي لبناء غرفة صغيرة.. من الحجارة بس.. بناء من أبسط مايكون.. و أهل البلد عارفين ان مالهم حرام.. الناس دول.. لما يجمعوا على تلقيب شخص معين بـ"الأمين".. فالناس دول عارفين كويس هم بيقولوا ايه.. مش أي كلام و ألقاب فارغة و خلاص.. للدعم على Patreon : https://www.patreon.com/ahmedbehiry اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك https://www.facebook.com/أحمد-بحيري-Ahmed-Behiry-109415711865636 الصفحة الرسمية علي تويتر https://twitter.com/ahmedbehiry اشترك في القناة لمتابعة الحلقات الجديدة http://goo.gl/2KheJZ المصادر: - أعلم أهل الأرض داباليو داباليو داباليو دوط قووقل دوط قوم http://www.قooقle.com