برنامج أم السياسة - الحلقات كاملة

Currently Playing: ازاي الشعب يفرض إرادته على الحكام | الحلقة 11

الإرادة العامة للشعب عند جان جاك روسو هي : لو سواق اتخانق مع راكب على الأجرة، فالحل هو رأي الناس في الشارع واللي يتفقوا عليه يمشي ع الاتنين - فالإرادة العامة هي أن ضابط الشرطة أداة تنفيذ ليها مش أكتر. العقد الإجتماعى عند جان جاك روسو مختلف عن أفكار هوبس و بروك و لوك لأنه مكنش شايف إن العقد ده بين حاكم و محكوم، وإنما بين الناس وبعضها و الحاكم دوره محدد. لو مستعجل شوف فيديوهات قصيرة اخترناها لك من الحلقة11 من برنامج أم السياسة:http://youtube.com/playlist?list=PLcD7kYork8QpN6yGe3CI-O1n8xVwku7_c أشتركوا في القناة عشان تشوفوا فيديوهاتنا الأسبوعية أول بأول :) http://youtube.com/omelseiasa?sub_confirmation=1 اسمعوا حلقات برنامج أم السياسة صوت بس على الساوندكلاود: http://soundcloud.com/OmElSeiasa أو تابعونا على الفيسبوك: http://facebook.com/OmElSeiasa الموقع الرسمي للبرنامج: http://OmElSeiasa.com Social Media Agency & YouTube Management New Egypt Consulting http://newegyptconsulting.com قائمة الكتب و المراجع المستخدمة لإعداد هذه الحلقة مقدمة في الفلسفة السياسية – جوناثن وولف الفلسفة السياسية – أدم سويفت المشكاة -أيمن ابورابح الفلسفة السياسية – ديفيد ميلر الفلسفة السياسية – ستيفن سميث العقد الإجتماعي – جان جاك روسو الأسس الأخلاقية للسياسة – إيان شابيرو دين الفطرة – جان جاك روسو نص تفريغ فيديو يعني ايه إرادة عامة للشعب؟ جان جاك روسو | الحلقة 11 كاملة: " Jean-Jacques Rousseau جان جاك روسو فيلسوف سويسري اتولد في جنيف وكان شايف الحالة الطبيعية أو ال State of nature اللى اتكلمنا عليها قبل كده إنها كانت حلوة و طيبة و مسالمة و إن الكلام ده فضل شوية كدة بس الناس اكتشفت إن الدنيا بتفرط عشان موضوع الملكية فاضطررنا نعمل دولة . الحكام بالنسبة لروسو دورهم أصبح إداري أكتر، فهما بيشوفوا المواطنين اتفقوا على ايه وايه هي الإرادة العامة اللي بتكون في صالح المجتمع و بينفذوا الإرادة دي، بس كده. فالحاكم معندوش هنا القدرة أو السلطة إنه يعمل حاجه غير اللي الإرادة العامة للمواطنين عايزاها ولا إنه يطلع يقول أنا بعمل كده علشان مصلحتكوا أو عشان أنا أو الفوضى أو علشان الأمن القومي، أو انتو دارسين المواضيع دي قبل ما تتكلموا :) كلام روسو ده نقلة نوعية وبالذات إنه بيتقال في القرن18 في عصر فيه ملك وحكم مطلق وحبة منهم بيقولك أنا بحكم بالحق الإلهي والناس دول حاجة تابعة، وأنا الدولة والدولة أنا فالمعلم روسو بيقلب الطرابيزة تماما، وكأن الملك بقى خادم دة كلام جميل بس ايه موضوع الإرادة العامة دي بتاعت الناس؟ روسو فرق بين نوعين من الإرادة: إرادة الكل و الإرادة العامة The will of all versus the general will الإرادة العامة بتكون خاصة بالمصلحة العامة إنما إرادة الكل بتكون خاصة بالمصلحة الخاصة يعنى لو احنا فى مجتمع متكون من 100 شخص و سألنا كل واحد عايز ايه فاللى قال عايز عربية و اللى قال عايز شقة و اللى قال عايز شغل، و وصلنا فى الآخر إننا محتاجين نوفر 50 شقة و 30 وظيفة و 20 عربية مثلا. دى هنا إرادة الكل لأن كل واحد بيبص لمصلحته الخاصة سواء من وظيفة أو سكن أو وسيلة نقل، غالبا الإرادة دي بتكون أنانية و مش باصة لباقي الناس. ازاى بقى نقدر نوصل للإرادة العامة و نحقق مصلحة المجتمع؟ جان روسو كان مؤمن جداً بالديمقراطية المباشرة و مكنش حابب الديمقراطية النيابية يعنى كان بينه و بينها مشاكل وشايفها بتاعت مصالح وبتاخد حرية الاختيار من الناس اللي بجد وكانها إرادة الطبقة اللي فوق وكأنه يا أخي شايف البرلمانات بتاعتنا اليومين دول من المحيط للخليج :) وعشان يكون فيه دقة هو كان بيفكر في البرلمان الانجليزي علي أيامه وده موضوع ح نرجعله في الحلقة الجاية بالتفصيل روسو كان عنده كام نقطة كده لازم نظبطها علشان نقلل التأثير الشخصي و نضمن إن الإرادة دي هى الإرادة العامة و للصالح العام وفعلا بتمثل الناس أول حاجة لازم ميكونش فيه حد غني أوي و حد فقير اوي و مش لاقي ياكل و ده علشان نقدر نسيطر على موضوع شراء الأصوات و الكلام ده. مش لازم نكون كلنا قريبين من بعض في المستوى المادي بس ما يتفعش يكون فيه حد غني لدرجة إنه يشتري واحد فقير. جاك روسو هنا مكنش بيدعو للشيوعية، هو آه ممكن يكون كلامه أثر بشكل أو بآخر بس اللي كان بيخليه يقول كده إنه على طول كان قدام عينيه أوروبا في القرن ال 18 لما كان ملاك الأراضي و النبلاء هما اللى مسيطرين و بيوجهوا القرارات كلها لصالحهم. تاني حاجة: روسو قالك احنا عايزين نقفل خالص موضوع النقابات و الأحزاب و الكلام ده أو ع الأقل نحد من تأثيره هو شاف إن النقابات و الأحزاب و الجمعيات اللى بتمثل الناس فى منطقة معينة هتأثر على القرار بتاع الأشخاص دول و هتوجه لمكان معين، و علشان كده قلتهم هتكون أحسن تالت حاجه روسو اتكلم فيها إن المجتمع نفسة متكونش فيه فروقات كبير سواء كانت فروقات ثقافية أو دينية هو كان عايز كله يطلع بدين أو أديان متقاربة و ثقافة أو تقافات متقاربة علشان ده هيخلى المجتمع متوافق و متحد أكتر. رابع شرط بالنسبة لرسو التعليم اللي بالنسبة لجاك روسو كان ليه أهمية كبيرة عنده عموما لما يبقى التعليم واحد و من سن صغير و يتم فيه بث القيم و المبادئ بتاعت المجتمع ده ككل وقيم الجماعة وإن احنا كلنا واحد وشغل كلنا ايد واحدة ده هيخلى المجتمع متفق في الإرادة العامة بتاعته في النهاية. الحاكم عند جان جاك روسو بقى مجرد موظف بينفذ الإرادة العامة، هو مش بيحط قوانين هو بس بينفذها و ده بيخلي الحاكم مش قادر يقوم بأعمال أو ياخد قرارات ضد الإرادة العامة لأنه مش من صلاحياته أصلا. جان جاك روسو قلب الترابيزة وقيمة الفرد في علاقتها بقيمة الحاكم، تأثير الحتة دي حيعتبر بعد كده من إنجازات عصر التنوير في أوروبا من الناحية السياسية ببساطة هو خلل الحاكم الحقيقي مش الملك ولا الرئيس ولا الشعب - الحاكم الحقيقي هو الإرادة العامة.